منتديات غرام احباب

منتديات غرام احباب

منشئ المنتدى غرام أحباب
 
الرئيسيةاليوميةس .و .جبحـثالتسجيلالأعضاءالمجموعاتدخول

شاطر | 
 

 ياناس ياعالم صاحبي جاب لي المرض ....... أدخل وشوف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
غرام أحباب
عضو نشيط
عضو نشيط
avatar

ذكر عدد الرسائل : 353
تاريخ التسجيل : 06/08/2007

مُساهمةموضوع: ياناس ياعالم صاحبي جاب لي المرض ....... أدخل وشوف   الأحد أغسطس 26, 2007 5:20 am

بسم الله الرحمن الرحيم
اللهم صلي على محمد وآل محمد
السلام عليكم ورحمة الله وبركاااااااااااته

سيداتي آنساتي سادتي صبحكم الله بالخير جميعاً

موضوعي اليوووووم فيه شوية معاناه

ومن مين من صديق لي وعزيز علي !!!!

ويشهد الله انه صديق مخلص ووفي وكريم وطيوب وحبوب وبنزين 91

لــــــــــكن الرجال فيه شوية ... شوية ... شوية دلاخـــــــــــــة

وانا بصرااااااااااااااحة بلشت فيه بس ما أقدر أتركه لأن بيننا أيااااام وذكرياااااااات حلوووووووووووه لاتُــنسى

يا جماعه صااحبي هذا لو اقول عنه غبي يكرم الغباء عنده ولو اقول لكم ثور اظلم الثور وممكن يقيم الثور علي قضيه بتهمه تشبيهه بمثل هذا الصاحب وبصراحه ما اعتقد انه اهبل لانه يحمل شهاده جامعيه في تخصص شوي صعب >>>> (( حسره علي ثالث متوسط ومعلق الشهاده بالمجلس )) ..

صديقي ذا ياكثر مشاكله وورطاته اللي يوقعني فيها معاه بغباءه الاجتماعي اللامحدود وعدم حسن تصرفه في المواقف اللي محتاجه رجال ثقل واتيكيت بس شنسوي الكمال لله ..

اذكر بيوم من الايام اتفقت وياه نروح نزور والد واحد من اصدقائنا بالمستشفى >>> ( كنا نفكره رجال بس يوم زرنا ابوه طلعت فضايحه لنا ) ...
واخذنا معانا بوكيه ورد (( اموووووت بالاتيكيت ياهووووه ))
ودلفنا (( احلى يا سيبويه )) قصدي دخلنا على الشايب وسلمنا عليه يوم قام يحكي لنا تاريخه المرضي لين جانا النعاس وعشان اغير الموضوع واصحصح شوي سالته وين ولدك فلان صاحبنا قال والله ياولدي مدري عنه هالسربوت له ثلاث ايام ما شفته ولا مر علي وقام يحكي تاريخ ولده في نكران الجميل الا وقام صاحبي من كرسيه (( قالك بيسوي فيها انه ولد بار بوالديه )) وقال ولا يهمك ياعم هالولد ما يستاهل منك كل هالزعل هذا قليل ادب وملعون والدين .. عاد الشايب سمع صاحبي يسبه بلع العافيه وخزنا بعيون مغناطيسيه بس تحامل على نفسه وكمل سالفته عن ولده المصون ..

بس انا وربي كنت حاس الشرر بعيون الشايب بس منتظر (ساعه الهجوم وايجاد المبرر) والله يهديه صويحبي راح قايل له ياعم ترا ولدك هذا قليل تربيه وقليل اصل ولا لو كان اصله طيب ما يخلي ابوه ثلاث ايام بالمستشفى ما يزوره ابن الكلب ..( هذي حط تحتها خطين ) .

انا دورني ذيك الساعه ما تلقاني والشايب يحذف علينا علب العصير والحلويات من جالكسي ومارس وباونتي وما تبقى من بوكيه الورد وبقدره قادر وصلت لاخر السيب ولا زال الشايب يصارخ والله ما ملعون والدين الا انتم يالسرابيت يا قليلين الاصل ...


*****************************

... ومره ثانيه في الشتاء اللي راح .... رحنا نفصل ثياب للشتاء وجالسين عند الخياط نختار الالوان والقماش من الكتالوجات ...
وكان واحد جالس ما نعرفه وبيده كتالوج والحقيقه انه رجل محترم وبحاله ولا حتى رفع عينه زي الملاقيف اللي الواحد يخزك بعينه كنك ذابح امه ..

يوم شافنا الخياط محتارين وش نختار نصحنا بالقماش اللي بيد الزبون اللي قدامنا وقال هذا الاخ العاشر اليوم اللي يختار هالقماش الكشميري ...و ... صاحبي ما امهله من زود الدلاخه وقال له وشو تبيني افصل هذا ؟ لااااا حبيبي هذا ما يفصله الا واحد خكري ولا متربي مع بنات اما الرجاجيل زيي ما يفصلون من هالنوعيه>>>> (( ايه هين بنشوف بعد شوي منهو الرجال )) ...

الزبون يا جماعه الخير يوم سمع صاحبي يقول خكري ومتربي مع بنات راح قايم وماسك صاحبي مع رقبته
.. المهم مسكه من رقبته وراح رافعه بيد وحده ..>>>> اوووه نسيت اقول لكم هالزبون شكله كنه جاي من ادغال افريقيا واطول شنب فينا يخب عند شنبه واطول واحد فيكم ما يجي عند سره .. (( هذا وين والخكاريا وين )) المهم رفع صاحبي اللي مسوي لي فيها رجال وابن امه يقرب لين يفهم منو الخكري وانا اطالبه باسم الوطنيه والانسانيه انه يكف يده وان لا يستخدم القوه المفررررطه وبدأت اطالبه بقيمه الحوار الوطني في مثل هذه المواقف ..... بس هذاك راسه والجزمه الا يفهم وصاحبي بين كماشه يده مزنوط ومو قادر لا يتكلم و لا يبرر موقفه وكل ما نحاول نفكه يزيد الشد على رقبته لين صارت زي رقبه البطه اللي تقول بيب بيب في افلام الكرتون والمشكله لو تدخلت بعنف ممكن اروح فيها عشان كذا قلت اتبع معاه اسلوب المفاوضات ممكن تنفع وفعلا طلع الرجال محترم وما قصر الاجودي مجرد تفله قطها بعين صاحبي وراح بحال سبيله وبعدها تعال ودوره زي اللي مضيعته امه باسواق البستان ..


.. يا جماعه تذكرت قصص صاحبي هذا رغم حبي له ونيته الطيبه لكن وش اسوي بنيته اذا كان بكل طلعه مشكله ما يقصدها .. تذكرت هالقصص اليوم فقط واسترجعت كل ذكرياتي معاه بحلوها ومرها لانه كلمني قبل فتره يبيني اطلع معاه للدبي بعد فتره ...

يبي يتمشى !! هذا اولاً
ويبي يشتري اجهزة جوال !! هذا ثانياً
ولابعد تعالووووووو شوفوا الاخيره يبي يشتري هدية لخطيبته خخخخخخ يضرب الحب شو بيخليك تمسك خط 700 كيلو من شان هدية

وش رايكم اخاااااااويه ؟؟؟؟؟؟

ومع السلاااااااااااااااااامة خلوني ألحق للدوام
[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لهيب الش
زائر



مُساهمةموضوع: رد: ياناس ياعالم صاحبي جاب لي المرض ....... أدخل وشوف   الأحد أغسطس 26, 2007 5:39 am

مشكور أخوي فارس الابداع على جهودك المميز


الله يعطيك ألــــــ 1000 ــــــــــف عافيه

موضوع رائع جدا
الرجوع الى أعلى الصفحة اذهب الى الأسفل
الحلا مبتليني
عضو جديد
عضو جديد
avatar

انثى عدد الرسائل : 35
المزاج : فرررش
تاريخ التسجيل : 24/08/2007

مُساهمةموضوع: رد: ياناس ياعالم صاحبي جاب لي المرض ....... أدخل وشوف   الأحد أغسطس 26, 2007 6:29 pm

هههههههههههههههههههه


يسلمو ع القصص خخخخخخ

تحياتو

الحلا مبتليني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنت الوا
زائر



مُساهمةموضوع: رد: ياناس ياعالم صاحبي جاب لي المرض ....... أدخل وشوف   الإثنين أغسطس 27, 2007 12:46 pm

مشكور اخوي فارس الابداع

على القصة الروعه
الرجوع الى أعلى الصفحة اذهب الى الأسفل
 
ياناس ياعالم صاحبي جاب لي المرض ....... أدخل وشوف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات غرام احباب :: << منتديات منوعة >> :: منتدى الترفيه والطرائف-
انتقل الى: